Fréttir

Kæru aðstandendur

Eins og fréttir síðustu daga hafa óþægilega minnt okkur á þá er veiran ekki farin úr samfélaginu okkar og ber því áfram að gæta ítrustu varúðar. Undanfarið hafa kannski allir orðið fullslakir gagnvart veirunni og því slakað aðeins á sínum smitvörnum. Við viljum því ítreka við ykkur að gæta að ykkar persónulegu smitvörnum, nota handþvottinn og sprittið óspart, ALLS EKKI koma í heimsóknir ef þið eruð með einhver einkenni frá öndurfærum eða eitthvað slöpp. Ef þið hafið verið erlendis þá er MJÖG skynsamlegt að bíða með heimsóknir á heimilið fyrstu vikuna jafnvel þótt landamæraskimun hafi verið neikvæð. Húsinu er áfram skipt upp í ákveðin smithólf þannig að óþarfa gegnumgangur um húsið er ekki heimill og við viljum áfram biðja ykkur um þegar þið eruð í heimsóknum að forðast sameiginleg svæði eins og setustofur, eyðið tíma með ykkar aðstandenda og reynið að forðast alla aðra. Einnig held ég að það væri sniðugt að þið mynduð takmarka fjölda þeirra sem er að koma í heimsókn hverju sinni við 1-2 einstaklinga þannig að við þurfum ekki að grípa til harðari aðgerða. Vonast eftir góðri samvinnu við ykkur um þetta. Sigríður Sigurðardóttir sviðsstjóri fræðslu- og gæðamála. ... lesa meira


Matreiðslusnillingurinn í Boggubúð

Það ríkir samheldni hér í Mörk og fólki finnst ekki tiltölumál að stíga út fyrir rammann og prófa eitthvað nýtt. Hann Guðmundur Helgason matreiðslusnillingur var ekki lengi að bjóða sig fram þegar hann heyrði að afgreiðslustúlkan í Boggubúð væri forfölluð. Guðmundur stendur semsagt vaktina í dag með bros á vör fyrir ykkur sem þurfið að ná ykkur í eitthvað skemmtilegt í búðinni. Takið eftir þessum skemmtilegu stöfum á seinni myndinni sem nú er farið að selja í búðinni.... lesa meira


Ingólfur vinur minn

Ingólfur Skagfjörð Hákonarson kom til okkar í Ás árið 1992. Hann lést í byrjun mánaðarins eftir afar skammvinn veikindi og við kvöddum hann í Hveragerðiskirkju í gær. Hann var í brekku til að byrja með í Ási, hafði sig lítið frammi og dvaldi yfirleitt í sínu herbergi. Svo var um all langa tíð. En svo birti til hjá honum og hann fór að njóta lífsins, þrátt fyrir talsverð veikindi. ... lesa meira


Með vel reimaða takkaskó í seinni hálfleik

Mér finnst einhvern veginn eins og fyrri hálfleik sé lokið í baráttunni við COVID 19 veiruna. Og heilt yfir litið tókst okkur vel til og við erum yfir í leiknum. Vissulega urðum við Hvergerðingar fyrir miklu áfalli vegna fráfalls góðra hjóna hér í bæ og margir urðu mikið veikir. En að teknu tilliti til þess hversu fáir létu lífið á Íslandi miðað við víða annars staðar út í heimi, þá getum við mjög vel við unað... lesa meira



Kosning utan kjörfundar

Í Mörk fer kosning utan kjörfundar vegna forsetakjörs fram laugardaginn 13.júní kl.11-14 í sal sjúkraþjálfunar á 1.hæð innaf matsal. Aðstandendur eru vinsamlegast beðnir að fylgja þeim heimilismönnum sem ætla að kjósa en komast ekki af sjálfsdáðun. Framvísa þarf persónuskilríkjum. Bestu kveðjur, Ragnhildur ... lesa meira


Kæru aðstandendur

Nú horfum við björtum augum til framtíðar og höldum ótrauð áfram! Heimsóknir síðustu vikur hafa gengið afar vel og eftir Hvítasunnuhelgina þriðjudaginn 2.júní verður heimsóknarbannið að fullu aflétt í Mörk og heimilið opnað að nýju fyrir gestum. Eins og ávallt eru gestir hjartanlega velkomnir og heimilismenn geta þá gjarnan farið í bíltúra, heimsóknir og sinnt öðrum erindum utan heimilisins eins og áður. Áfram verður samt alltaf nauðsynlegt að gæta að grundvallar sóttvörnum. ... lesa meira



Kæru aðstandendur

Í næstu viku eða frá og með 18. maí megum við hér í Mörk rýmka aðeins heimsóknir til íbúanna og mega þeir þá fá tvær heimsóknir í þeirri viku. Það þýðir þá að sami heimsóknargestur getur komið tvisvar sinnum í næstu viku eða ef það hentar ykkur betur að tveir einstaklingar heimsæki íbúann einu sinni (en að sjálfssögðu þá ekki á sama tíma)... lesa meira


Takk kæra samstarfsfólk

Stjórn Grundarheimilanna fundaði síðastliðinn þriðjudag. Og meðal fundarefnis var Covid 19. Farið var yfir stöðuna á heimilunum þremur og hún er að mínu mati eins góð og hægt var að vonast eftir. Stjórnin bókaði eftirfarandi í fundargerðina: „Stjórn Grundar lýsir yfir mikilli ánægju með starfsfólk Grundarheimilanna og þakkar þeim kærlega fyrir afar vel unnin störf á þeim erfiðu tímum sem hafa ríkt undanfarna tvo mánuði.“ Þessu þakklæti vil ég koma á framfæri við ykkur og til allra þeirra sem tengjast Grundarheimilunum þremur á einhvern hátt. Þið hafið lagt mikið á ykkur undanfarnar vikur. Bæði við að sinna heimilisfólki á sama tíma og það fær engar heimsóknir og svo að komast hjá því að bera Covid 19 veiruna inn á heimilin. Sú staðreynd að heimilismenn fá ekki heimsóknir frá sínum nánustu í tvo mánuði samfleytt veldur eðli máls samkvæmt meira álagi á starfsfólkið, sem hefur á sama tíma gert hvað það getur til að „koma í stað“ fjölskyldu og vina, en auðvitað verður sú „afleysing“ léttvæg í samanburði við að fá sína nánustu í heimsókn. Ég vil sérstaklega nefna og þakka ykkur góða starfsfólk, fyrir það hvernig þið hafið tæklað þessar vikur. Svo virðist sem nær allir hafi sinnt sinni vinnu og verið svo heima við og/eða passað sig afskaplega vel að smitast ekki af Covid 19. Það er ekki sjálfgefið að svo stór hópur starfsmanna sé svona vel samsettur, en það á greinilega við um ykkur öll sem starfið á Grundarheimilunum þremur. Og fyrir það verð ég ævinlega þakklátur. Þið eruð öll hetjur sem hafið staðið ykkur framúrskarandi vel á ögurstundu. Ég er mjög stoltur af ykkur öllum og hlakka til að vinna með ykkur áfram að velferð þeirra 400 heimilismanna sem hjá okkur búa. Kveðja og góða helgi, Gísli Páll, forstjóri Grundarheimilanna ... lesa meira