Fréttir

Kæri aðstandandi

Eins og áður hefur verið tilkynnt verða heimsóknir leyfðar inn á Mörk, hjúkrunarheimili frá og með deginum í dag 4.maí með ákveðnum takmörkunum því gæta verður ítrustu varkárni og virða sóttvarnaráðstafanir þegar komið er í heimsókn. Í pósti til ykkar þann 27.apríl þar sem tilkynnt var um fyrirkomulag heimsókna urðu þau mistök að þar var sagt að „ekki er reiknað með að hver einstaklingur fái heimsókn nema 1-2svar í viku í byrjun“ þegar rétt er að standa átti „ekki er reiknað með að hver einstaklingur fái heimsókn nema einu sinni í viku í byrjun og í mest klukkustund í senn.“ Hafa þessi mistök orðið til þess að margir biðja um að hitta sína ástvini tvisvar sinnum í viku, en við því er ekki hægt að verða vegna fjöldatakmarka því nauðsynlegt er að takmarka þann fjölda sem kemur inn á heimilið. Ég biðst innilega afsökunar á þessum mistökum og bið ykkur að sýna okkur áfram biðlund. Við gerum þetta hægt og rólega og án þess að skapa hættu. Ragnhildur Hjartardóttir, framkvæmdastjóri hjúkrunar ... lesa meira


Ágæti aðstandandi

Reykjavík, 22. apríl 2020 Heimsóknir verða leyfðar inn á Mörk, hjúkrunarheimili frá og með 4. mai næstkomandi með ákveðnum takmörkunum. Þó mikið hafi áunnist í baráttunni gegn COVID-19 þá erum við ekki í höfn og gæta þarf að ítrustu varkárni og virða sóttvarnaráðstafanir þegar komið er í heimsókn. ... lesa meira


Takk fyrir sönginn

Ættingjar og ýmsir listamenn hafa á undanförnum vikum komið til okkar hingað í Mörk og glatt með söng. Þeir koma að hjúkrunarheimilinu austantil og syngja þar sem heimilisfólkið getur komið út á svalir og hlustað. Íbúar sem búa í Íbúðum 60+ hafa notið góðs af og svo hafa þeir sem leið hafa átt um göngutstíginn líka staldrað við til að hlusta. Í lok síðustu viku komu þau Sigríður Thorlacius og Guðmundur Óskar Guðmundsson og glöddu okkur með sínum yndislega flutningi. Við það tækifæri voru þessar myndir teknar. Kærar þakkir og einnig til ykkar allra hinna sem komið hafa til okkar. ... lesa meira



Heimsóknir

Ágæti aðstandandi Heimsóknir verða leyfðar inn á Mörk frá og með 4. maí næstkomandi með ákveðnum takmörkunum. Þó mikið hafi áunnist í baráttunni gegn COVID-19 þá erum við ekki í höfn og gæta þarf að ítrustu varkárni og virða sóttvarnaráðstafanir þegar komið er í heimsókn. Einnig er nauðsynlegt að takmarka þann fjölda sem kemur inn á heimilið á hverjum tíma. Vonir eru bundnar við að heimsóknir verði rýmkaðar enn frekar í júní 2020. Á sama tíma geta íbúar farið í hár- og fótsnyrtingu á staðnum en það verður áfram lokað fyrir utanaðkomandi einstaklinga. Sjúkra- og iðjuþjálfun heldur áfram á heimili viðkomandi en ekki í sal. Vinsamlega athugið ef ástandið í þjóðfélaginu versnar með aukningu smita eða smit koma upp á hjúkrunarheimilinu, munu reglur verða hertar aftur. Nánari útfærsla á tilslökun á heimsóknarbanni verður send í næstu viku. Gísli Páll Pálsson, forstjóri Grundarheimilanna ... lesa meira


Kæru aðstandendur

Nú er páskahelgin framundan og óhætt að segja að í ár verður hún með breyttu sniði hjá okkur flestum. Í Mörk er venjulega mikið um gestagang yfir páskahelgina einnig hafa alltaf nokkrir heimilismenn farið heim til ástvina sinna, í ár verður ekkert af þessu.... lesa meira